ذكرى رحيل أخر نوبى عن النوبة القديمة
..................................................
زى الامس رحل أخر نوبى قسرا عن النوبة القديمة و اللي خسر البيت و البلد و الذكري و الثقافة و الهوية،في 18 ابريل فضيت أرض النوبة من ناسها و رحل النوبيين .
مشهد التهجير مؤلم و مقبض للقلب لأبعد الحدود ، انك تتهجر في صنادل مخصصة لنقل البهايم و تجبر انك في شهر الحصاد تسيب البلح اللي محصولك الرئيسي علي النخيل و تمشي و تتمنع انك حتي تأخد الفسايل تزرعها في الارض الجديدة... العويل كان هو صوت الترحيل ....ستات و رجالة بيبكوا و الستات بتملى الأزيار و كأن في حد هايرجع يشرب منها .... حتي الحيوان حس بألم و اللوعة ، كلاب الحراسة فضلت تجري علي الشط و الصنادل ماشية و تنبح و وقفت لما تعبت و بعد اصحابها عنها .......
التهجير تجربة من امر التجارب اللي ممكن تمر بها جماعة بشرية ، انما لما تمر بها 4 مرات ، مرة في 1902 و 1912 و 1932 و 1964 .... دة الم فوق طاقة الكثيرين عشان كدة لازم نفتكر اليوم ده .
فى اكتوبر ابتدي التهجير و في ابريل انتهي الفصل الاول من المأساة .و بعدها بدأت الكذبة الاكبر في التكشف ...راح النوبيين لأرض قاحلة و بيئة مختلفة تماما عما عهدوه و كانت النتيجة في أبشع صورها مقبرة الحضانة اللي ضمت رفات الاطفال اللي ما عرفوش يتعايشوا مع الظرف القاسي اللي اتنقلوا اليها .
فقط نقول :
"اللهم أعد الينا مجدنا الضائع"
..................................................
زى الامس رحل أخر نوبى قسرا عن النوبة القديمة و اللي خسر البيت و البلد و الذكري و الثقافة و الهوية،في 18 ابريل فضيت أرض النوبة من ناسها و رحل النوبيين .
مشهد التهجير مؤلم و مقبض للقلب لأبعد الحدود ، انك تتهجر في صنادل مخصصة لنقل البهايم و تجبر انك في شهر الحصاد تسيب البلح اللي محصولك الرئيسي علي النخيل و تمشي و تتمنع انك حتي تأخد الفسايل تزرعها في الارض الجديدة... العويل كان هو صوت الترحيل ....ستات و رجالة بيبكوا و الستات بتملى الأزيار و كأن في حد هايرجع يشرب منها .... حتي الحيوان حس بألم و اللوعة ، كلاب الحراسة فضلت تجري علي الشط و الصنادل ماشية و تنبح و وقفت لما تعبت و بعد اصحابها عنها .......
التهجير تجربة من امر التجارب اللي ممكن تمر بها جماعة بشرية ، انما لما تمر بها 4 مرات ، مرة في 1902 و 1912 و 1932 و 1964 .... دة الم فوق طاقة الكثيرين عشان كدة لازم نفتكر اليوم ده .
فى اكتوبر ابتدي التهجير و في ابريل انتهي الفصل الاول من المأساة .و بعدها بدأت الكذبة الاكبر في التكشف ...راح النوبيين لأرض قاحلة و بيئة مختلفة تماما عما عهدوه و كانت النتيجة في أبشع صورها مقبرة الحضانة اللي ضمت رفات الاطفال اللي ما عرفوش يتعايشوا مع الظرف القاسي اللي اتنقلوا اليها .
فقط نقول :
"اللهم أعد الينا مجدنا الضائع"
